याद तेरी आयी जणा आँख मेरी रोयी रे ।
हियो फाटयो मेरो तन्ने खबर क्यू ना होयी रे ।
हिवड़े री पीड़ बाबा, किनै जा सुणाऊँ मैं ।
तेरो दर छोड़ बाबा, और कठे जाऊ मैं ।
थारी नज़रा में म्हारी क़ीमत ना कोई रे ।।
याद तेरी आयी जणा आँख मेरी रोयी रे ।
हियो फाटयो मेरो तन्ने खबर क्यू ना होयी रे ।
मनड़ रो पंछी मेरो पिहू-पिहू बोले रे ।
दुनिया मारे ताना बाबा आँख क्यू ना खोले रे ।
तेरे बिना श्याम मेरो दुसरो ना कोई रे ।
याद तेरी आयी जणा आँख मेरी रोयी रे ।
हियो फाटयो मेरो तन्ने खबर क्यू ना होयी रे ।
मनड़े रो मीत रुस्या कठे जी धराऊ रे ।
बिना मारया ही बाबा मैं तो मर जाऊँ रे ।
थारे बिना श्याम मेरी हालत या होयी रे ।
याद तेरी आयी जणा आँख मेरी रोयी रे ।
हियो फाटयो मेरो तन्ने खबर क्यू ना होयी रे ।
‘अणतु’ भगत थारो श्याम जी दीवानों रे ।
बिगड़ी बनाओ दाता टाबर थारो जाणो रे ।
प्रेम डोर खेंचो बाबा बोलो क्यू डुबाई रे ।।
याद तेरी आयी जणा आँख मेरी रोयी रे ।
हियो फाटयो मेरो तन्ने खबर क्यू ना होयी रे ।
2 thoughts on “याद तेरी आयी जणा आँख मेरी रोयी रे”