तर्ज़ – भरबा दे मदन गोपाल
म्हारै साँवरै को सुघड़ शरीर,
तीर म्हारै तीखो लग्यो ।
म्हारै नैणा मं भर आयो नीर,
तीर म्हारै तीखो लग्यो ।।
🏵
मुरली अधर पर, छाँव कदम की,
कुण्डल नख, बेसर अति चमकी,
तो मनड़ो भयो है अधीर ।
तीर म्हारै तीखो लग्यो ।।
🔆
तिरछे चरण, अदा अति सुन्दर,
नील बरण, दोऊ नैण समन्दर,
तो शीतल मन्द समीर ।
तीर म्हारै तीखो लग्यो ।।
🏵
सुध पल मं, बिसरी प्राणन की,
गति के हो गई, पागल मन की,
तो दर को, देव, फकीर ।
तीर म्हारै तीखो लग्यो ।।
🔆
श्याम बहादुर, सैण लड़ाले,
इक बर ‘शिव’, फेरूं बतळा ले,
तो तूं ही मेरी तक़दीर ।
तीर म्हारै तीखो लग्यो ।।
🔆🏵🔆
श्रद्धेय स्व. शिवचरणजी भीमराजका
द्वारा राजस्थानी गीत ‘चिरमी’